Maqola topilmadi

Standart namuna ishlab chiqaruvchisi faoliyati

“Topfin Result” standart namuna ishlab chiqaruvchisi faoliyati doirasida O‘zbekiston Akkreditatsiya Markazi hamda xalqaro APAC (Asia Pacific Accreditation Cooperation) tashkiloti ishtirokida paritet baholash jarayoni muvaffaqiyatli o‘tkazildi. Mazkur baholash O‘zbekistonda standart namuna ishlab chiqarish yo‘nalishiga qaratilayotgan yuksak e’tibor, sifat infratuzilmasini xalqaro talablarga mos ravishda rivojlantirish hamda milliy ishlab chiqaruvchilarning xalqaro maydondagi ishtirokini kengaytirishga xizmat qilmoqda. Shuningdek, ushbu jarayon mamlakatimizda standart namuna ishlab chiqarish sohasining xalqaro darajada tan olinishi va global hamkorlikning yanada mustahkamlanishida muhim qadam bo‘ldi.

Laboratoriyamizda yangi ICP-MS uskunasi ishga tushirildi

Laboratoriyamizda yangi ICP-MS uskunasi ishga tushirildi. Ushbu zamonaviy texnologiya ruda tarkibidagi elementlarni, jumladan lantanoidlar va aktinoidlar kabi iz miqdordagi komponentlarni yuqori aniqlik va selektivlik bilan o‘lchash imkonini beradi. Natijada tahlillarimizning sezgirligi va ishonchliligi sezilarli darajada oshdi.

TR-M geologik standart namunasining bir jinsliligi va stabilligi tasdiqlandi

TR-M geologik standart namunasining bir jinsliligi va stabilligini tasdiqlash bo‘yicha laboratoriya tahlillari yakunlandi. Sinovlar natijasida namunadagi elementlarning butun massa bo‘ylab bir tekis taqsimlangani va vaqt o‘tishi bilan tarkibi o‘zgarmasligi to‘liq o`rganildi. Ushbu ko‘rsatkichlar TR-M namunasining xalqaro etalon talablariga javob berishini va tahlil natijalarining yuqori aniqligini kafolatlaydi. Endilikda ushbu namuna geologiya-qidiruv ishlarida sifatni nazorat qiluvchi ishonchli asos bo‘lib xizmat qiladi.